Живопись
Цыкл работ, якія былі створаны ў 2012-2013 гг. Жывапіс быў паказаны на двух персанальных выставах у Мінску і Заслаўі (Беларусь): • 2012 г. «Vita in mensa» у Гісторыка-культурным музеі-запаведніку «Заслаўе», г. Заслаўе. • 2013 г. «Прастора для жыцця» у выставочнай зале Інстытуту тэалогіі ім. Мефодзія і Кірыла Беларускага дзяржаўнага універсітэта, г.Мінск.
Працы з серыі «Цені Эскарыялу», 2017. Асаблівая экспрэсіўная тэхніка, у якой напісаны карціны скіравана нараджаць вобраз хуткаплыннасці часу, а з ім і жыцця чалавека. Размытасць выявы звязваецца аўтарам з тэмай успамінаў, і, галоўным чынам, атаясамліваецца з міфалагічнасцю памяці: тым, што многае з успамінаў не звязана з рэальнасцю, а толькі з нашым успрыняццем яе. Глебу для цыклу ўзаралі роздумы аб лёсе чалавека і яго самаідэнтыфікацыі ў свеце, а асноўным матывам стала візуалізацыя экзістэнцыянальнай адзіноты. Вытанчаны вобраз інфанты Маргарыты, да партрэтаў якой так часта звяртаўся знакаміты Веласкес, і сонечныя колеры Іспаніі, якія ўсмакталі ў сабе канцэнтрат жыцця, сталі для мастака крыніцамі інспірацыі. Працы былі паказаны на персанальных выставах у Ружанах і Пружанах (Беларусь): • 2021 г. «Ужо бачанае», Ружанскі палацавы комплекс роду Сапег, г. Ружаны. • 2021 г. «Ужо бачанае. 2», Музей-сядзіба “Пружанскі палацык”, г. Пружаны.
